Hver er ég eiginlega og hvaða forsendur hef ég til að kenna þetta námskeið?
Í eins stuttu máli og hægt er: ég er komin í gegnum skóginn og langar til að vísa öðrum leiðina í gegn sem virkaði fyrir mig.
Hæ, ég heiti Jarþrúður, kölluð Jara. Ég hef líka andlegt nafn sem mér var gefið, Gian Tara, eða sú sem lýsir upp heiminn með visku… 
Ég er hugleiðslu nemandi og kennari, tónlistarmaður, jógakennari, stjörnuspekingur, mamma og fleira.
Fyrir 7 árum upplifði ég djúpa andlega vakningu.
Fyrir það var ég mjög leitandi og leið satt best að segja ekki vel. Ég var að glíma við mikinn kvíða, mis alvarlegt þunglyndi og afleiðingar áfalla.
Ég missti bróður minn sem ég var mjög náin þegar ég var 22 ára og hann 19 ára. Það breytti lífi mínu varanlega. Það mætti segja að miðlífs krísan hafi hellst yfir mig þarna rétt rúmlega tvítuga. Til hvers erum við hérna? Um hvað snýst þetta allt saman? Hvað er það sem skiptir máli í lífinu?
Ég lærði hægt og rólega alls konar aðferðir til að hjálpa sjálfri mér að líða betur. Ég lærði bæði vestræna heimspeki og austræna. Hugleiðslu, jóga, sjálfstal, öndun og fleira, en það var ekki fyrr en eftir andlegu vakninguna fyrir 7 árum að ég aflaði mér réttinda til að kenna það sem ég hef lært. Ég er jóga og hugleiðslu kennari, “transformational coach” og er stöðugt að bæta við mig þekkingu með námskeiðum og lestri.
Síðustu 5 ár hef ég starfað sem jóga og hugleiðslu kennari, andlegur leiðbeinandi og stjörnuspekingur. (Ég trúi ekki á stjörnuspeki. Ég þarf þess ekki. Ég veit að hún virkar og ég nota hana þess vegna.)
Ég á tvö börn, eitt uppkomið og annað helmingi yngra. Ég er tónlistarmaður og hef samið tónlist fyrir nokkur leikrit, stuttmyndir og heimildarmynd í fullri lengd. Hef leikið og gert listgjörnunga. Ég lærði líka heimspeki í HÍ og tónsmíðar í LHÍ.
Ég kalla mig stundum “mystic” ég þekki ekki gott orð yfir það á íslensku. Það þýðir sá sem hefur fengið beina upplifun af Guði, þessu heilaga, hvað sem við viljum kalla það. Því ég hef það og get tengt inn í það hvenær sem er, svo lengi sem ég þvælist ekki fyrir sjálfri mér. Það er kannski gott að taka það fram að ég skil orðið Guð sem allt sem er, alls staðar, alltaf, að eilífu. Ekki kall með skegg.
En í Innri ró er aðal áherslan á þetta praktíska. Aðferðir sem virka. Mér gæti ekki verið meira sama um hvort, eða á hvað, þú trúir.
Þú lærir að nota öndun á virkan hátt til að slaka á, kyrra hugann og búa til pláss til að velja hvernig þú bregst við heiminum og áreitinu í umhverfinu.
Meðvituð öndun er magnað tæki.
Hún gefur bæði beinan andlegan og líkamlegan ávinning .
Þú lærir að eiga betri samskipti við þig, inni í höfðinu á þér. Þú lærir að hlusta eftir sjálfstalinu og færð heimavinnu til að æfa jákvætt uppbyggjandi sjálfstal til að lækka í innri gagnrýnandanum og skipta honum út þegar það á við.
Þú lærir nokkrar leiðir til að hugleiða til þess að þú finnir aðferð sem hentar þér og færð æfingu og aðhald til að hugleiða reglulega.
Hugleiðsla breytir heilanum og er það tæki sem hefur mest afgerandi jákvæð áhrif á bæði andlega og líkamlega líðan.
Þú færð æfingu í að sjá lífið þitt í gegnum linsu þakklætis og vináttu. Samkvæmt nýlegum rannsóknum er þakklætis iðkun eitt það einfaldasta sem við getum gert til að líða betur.
Þú lærir einfalda leið til að vera meira til staðar í núinu. Bæði fyrir þig og fyrir fólkið þitt. Núið er það eina sem er raunverulegt og þegar við lærum að dvelja meira þar verður lífið einfaldara.
Þú lærir leiðir til að slaka á í amstri dagsins og lærir að forgangsraða betur.
Innifalið í námskeiðinu er líka yoga nidra djúpslökunar tími sem þú færð upptöku af til að eiga og getur notað eins oft og þú vilt.
Gróft skipulag námskeiðisins*:
Vika 1 – Hugleiðsla og sjálfstal. Við lærum einfalda hugleiðslu og lærum að taka eftir innra sjálfstalinu.
Vika 2 – Öndun og ósjálfráð viðbrögð. Við lærum nýja hugleiðslu.
Vika 3 – Sjálfsást og þakklæti. Við lærum nýja hugleiðslu.
Bónus: Stjörnuspeki & Human Design fræðsla með Jöru Gian Töru og örlestur fyrir þá sem vilja
Vika 4 – Núvitund og rútína sem styður.
Bónus: Fræðsla um ADHD og neurodivergence.
Vika 5 – Horft til framtíðar.
Vika 6 – Tengjum punktana og fögnum
*Skipulagið er í mótun og gæti breyst til að falla betur að þörfum þáttakenda.
Hvernig væri það að vakna og það fyrsta sem þér dettur í hug er þakklæti fyrir allt það góða í lífinu þínu?
Þú vaknar í rólegheitum, gefur þér tíma fyrir stutta hugleiðslu eða þitt uppáhalds morgun ritúal áður en þú ferð út í daginn.
Reglulega yfir daginn þá grípur þú þig á leiðinni inn í stress eða neikvæðar hugsanir og í staðin fyrir að fara þangað þá andar þú djúpt og grípur í tækin sem þú lærðir á námskeiðinu.
Aðra daga þá kemur stressið og áhyggjurnar ekki einu sinni upp því að þú ert búin/n að læra að fyrirbyggja stressið.
Þú ert meðvitaðri um hvert þú ert að stefna og hvað skiptir þig raunverulega máli og þú ert með plan um hvernig þú ætlar að komast þangað. Þú ert með gildin þín á hreinu.
Þú ert í miklu meiri núvitund og nærð að velja hegðun og hugsanir sem næra þig, kæta og færa þér ró.
En það besta af öllu er að þú ert búin að læra að láta þér þykja vænt um þig. Samræðan innra með þér er orðin falleg, uppbyggileg og vinaleg. Og þegar þú gerir mistök eða gleymir þér þá mætir þú þér í sama skilningi og þú mætir besta vini þínum eða barninu þínu. Þú ert með þér í liði.
Þegar þú leggst svo upp í rúm á kvöldin þá geturðu horft til baka yfir daginn í þakklæti og sofnar full/ur innri ró.
Tímarnir fara fram í gegnum zoom.
Þú þarft að hafa zoom forritið á því tæki sem þú ætlar að nota til að taka þátt í tímanum. Zoom er frítt.
Þegar þú skráir þig færðu aðgang að heimasvæði námskeiðisins tveimur dögum áður en námskeiðið hefst. Það er til þess að þú hafir nægan tíma til að skrá þig inn og fá hjálp ef þú lendir í einhverjum vandræðum.
Þú þarft ekkert nema að geta notað tölvu eða snjallsíma til að geta tekið þátt í námskeiðinu.
Því meiri tíma sem þú gefur þér því meira færðu út úr námskeiðinu.
Að því sögðu þá þarftu í minnsta lagi að gefa þér 2 tíma í viku í að mæta í kennslu tímann og gera þau verkefni sem þúufinnur að þú munt græða á að gera.
Einnig er best að gefa sér amk 5-20 mínútur á dag í hugleiðslu og stutta innri ró vinnu. Það er minna en einn sjónvarpsþáttur á dag…
Þetta er hóp námskeið með lifandi tímum í gegnum zoom þar sem þú fylgir hópum og færð beinan aðgang að kennara í gegnum spurningatíma.
En þúu getur líka gert námskeiðið á eigin hraða ef þér finnst það betra.
Allir fara líka í litla stuðnings hópa með öðrum þátttakendum.
Ef þú vilt síður fá stuðning frá öðrum þátttakendum þá getur þú látið vita að þúu viljir ekki vera sett/ur í hóp,
Það eru að hámarki 30 þáttakendur í bili.
Já. Þú getur bæði sent inn spurningar og svo eru líka sérstakir tímar bara fyrir spurningar og spjall.
Þú mátt hætta við og fá endurgreiðslu í 48 tíma eftir að námskeiðið hefst ef þú finnur að þetta er ekki fyrir þig eftir fyrsta tímann.
Þúu hefur aðgang að upptökunum í mánuð eftir að námskeiðið
Ég vonast til þess að sjá þig á námskeiðinu!
Ef þetta höfðar til þín þá er ég viss um að þú munt ekki sjá eftir því.
Ég mæli með því að skrá mig núna strax því að fyrstu skiptin sem þetta námskeið verður haldið munu vera með mesta stuðninginn og mestu nándina við kennarana.
Lífið er núna.
Þú hefur engu að tapa.
Þú mátt hætta við og fá endurgreiðslu í 48 tíma eftir að námskeiðið hefst ef þú finnur að þetta er ekki fyrir þig.